Aqtaýda úsh balasyn óltirgen ákege qatysty sot úkimi shyqty

AQTAÝ.QazAqparat - Aqtaýda 3 balasyn asqan qatygezdikpen óltirgen ákege qatysty sot úkimi shyqty. Bul týraly Mańǵystaý oblystyq sotynyń baspasóz qyzmetinen málim etti, dep hpbarlaıdy QazAqparat tilshisi.

Sottalýshy baltamen jáne as úı pyshaǵymen qarýlanyp, úıge qasaqana kelip, úsh jas balasyn erekshe qatygezdikpen óltirgen.

Onyń kinási qylmys jasaýda jábirlenýshiniń, sottalýshynyń óziniń aıǵaqtarymen, saraptamalardyń qorytyndylarymen, zattaı dáleldemelermen jáne istiń basqa materıaldarymen dáleldendi. Sottalýshy kinásin moıyndaǵan.

«Sot úkimimen sottalýshy Qylmystyq kodekstiń 99-babynyń 3-bóligi boıynsha kináli dep tanyldy jáne oǵan kámeletke tolmaǵan balalarmen qyzmetke baılanysty laýazymdardy atqarý quqyǵynan ómir boıy aıyra otyryp, ómir boıyna bas bostandyǵynan aıyrý túrindegi jaza taǵaıyndaldy» delingen baspasóz málimetinde.

Sot úkimi zańdy kúshine engen joq.