Aqtaýda úsh balasyn óltirdi dep aıyptalǵan ákeniń isi boıynsha tergeý aıaqtaldy

AQTAÝ. QazAqparat - Aqtaýda úsh balasyn óltirdi dep kúdikke ilingen ákeniń qylmysy boıynsha tergeý aıaqtaldy. Sotqa deıingi tergeý prokýrordyń qaraýyna jiberilip, sodan keıin sotqa joldanady, dep habarlaıdy QazAqparat tilshisi.

«Kúdikti óz áreketin moıyndady. Qazir sotqa deıingi tergeý aıaqtaldy jáne tanysý úshin prokýratýraǵa jiberildi», - dep málim etti Mańǵystaý oblysynyń polıtsııa departamentinen.

Esterińizge sala keteıik, 24 naýryzda Aqtaýdaǵy 27-shi shaǵynaýdanda 36 jastaǵy er adam jeti, toǵyz jáne on eki jastaǵy úsh balasyn aıýandyqpen óltirdi degen kúdikke ilingenin jazǵan edik.

Oǵan qatysty Qylmystyq kodekstiń 99-babynyń 2-bóligi (kisi óltirý) boıynsha is qozǵalǵan.