Aqtaýda úsh bala teńiz jaǵalaýyndaǵy qorshaýdy syndyrdy

<p><span style="font-family: sans-serif;"><span style="font-size: 18px;">&nbsp;Aqtaýda jaǵalaýdaǵy qorshaýdy syndyrǵan balalardyń ata-analary keshirim surady, dep habarlaıdy QazAqparat tilshisi.</span></span></p>

20 qyrkúıekte Aqtaý qalasy jedel basqarý ortalyǵy beınebaqylaý kamerasynyń kómegimen úsh balanyń teńiz jaǵasynda turǵan dekoratıvti qorshaýdy buzyp jatqanyn kórgen.

Polıtsııa balalardyń ata-anasyna hattama toltyryp, olardy jaýapqa tartty.

Ata-analar balalarynyń teris qylyǵy úshin keshirim surady,

«Aqtaý qalasy polıtsııa basqarmasynyń qyzmetkerleri jetkinshekterdiń kim ekenin anyqtaǵan. Olar qorshaýdy syndyrǵan balalardyń ata-anasyn jaýapqa tartyp, zańdy ókilderine QR ÁQBtK-niń 127-baby boıynsha ákimshilik hattama toltyrdy. Tártip saqshylary ata-analarmen jáne balalarmen profılaktıkalyq áńgime júrgizdi. Belgili bolǵandaı, 11, 7, 6 jasar balalar oınap júrip jaǵalaýdaǵy qorshaýlardy syndyrǵan. Balalardyń ata-anasy qorshaýdy qalpyna keltiretinin aıtty» dep málim etti Aqtaý qalasy ákiminiń baspasóz qyzmetinen.

Aqtaý qalasynyń ákimdigi shahar turǵyndary men qonaqtarynan qala múlkine zııan keltirmeýdi suraıdy.