Aqtaýda úrmeli matraspen teńizge shyqqan 6 adam qutqaryldy
11:40, 19 Shilde 2022
AQTAÝ. QazAqparat - Aqtaýda úrmeli matraspen ashyq teńizge shyqqan bir otbasy qutqaryldy. Onyń tórteýi - balalar. Bul týraly Mańǵystaý oblystyq tótenshe jaǵdaılar basqarmasynyń baspasóz qyzmeti málim etti,- dep habarlaıdy QazAqparat tilshisi.
«Soldatskıı» jaǵalaýy mańyndaǵy teńizge úrmeli matraspen túsip, ary qaraı ketip qalǵan (1998 jyly, 2004 jyly, 2008 jyly, 2015 jyly, 2020 jyly, 2021 jyly týǵan) 6 adamdy qutqarýshylar jaǵaǵa alyp shyqty. Olarǵa medıtsınalyq kómek qajet bolǵan joq» delingen aqparatta.
Qutqarý jumystaryna TJD-nyń 2 qyzmetkeri, 1 tehnıka jáne 1 júzý quraly tartylǵan.
Eske sala ketsek, eki kún buryn sapbordpen teńizge shyqqan 6 adam qutqarylǵan edi