Aqtaýda týrısterge volonterler kómek kórsetedi

AQTAÝ. QazAqparat - Bıyl mańǵystaýlyq volonterler aımaqqa kelgen sheteldik jáne otandyq qonaqtarǵa qyzmet kórsetip, óńirdiń tarıhymen, mádenıetimen tanystyryp, týrızmniń damýyna zor úles qospaqshy, dep habarlaıdy QazAqparat tilshisi.

Máselen, «Beken jas kóshbasshylar» dostastyǵy volonterlik korpýsy bıyl Korporatıvtilik jáne «Event» volonterlik qyzmet aıasynda jumys atqarmaq. Túrli halyqaralyq, respýblıkalyq saıası, mádenı jáne sporttyq sharalarǵa qyzmet kórsetedi. Osy maqsatta byltyr 25 bala aǵylshyn tili kýrsyn támamdasa, bıyl taǵy 100 eriktini til kýrsynan ótkizý josparlanyp otyr.

«Árqaısysynyń óz baǵyty men jospary bar. Aldaǵy ýaqytta jeke toqtalyp, tanystyryp otyramyz. Osy maqsatta Prezıdent jarııalaǵan volonterlar jylyna úles qosý úshin búgin biz, Qoǵamdyq kommýnıkatsııa ortalyǵy iri úsh volonterlik uıymmen yntymaqtasa is atqarýǵa ýaǵdalastyq. Bári sátti bolǵaı!» - dep habarlady Óńirlik kommýnıkatsııalar qyzmetiniń basshysy Gúlmıra Ábishova.