Aqtaýda turǵyn úıden órt shyǵyp, 150-deı adam evakýatsııalandy

AQTAÝ. QazAqparat - Aqtaýda 17 shaǵyn aýdandaǵy «Florence» turǵyn úı kesheninen órt shyǵyp, 150-deı adam evakýatsııalandy, dep habarlaıdy QazAqparat tilshisi.

Órt 10 qyrkúıek saǵat 1:59-da tutanǵan. Turǵyn úıdiń 9-qabatyndaǵy páterdiń qonaq bólmesinde úı zattary men teledıdar janǵan.

«Órt 45 sharshy metrdi sharpyǵan. Zardap shekkender men qurbandar joq. 13 adam qutqaryldy, onyń úsheýi bala. Al baspaldaqpen 120 adam evakýatsııalandy, onyń ishinde 25-i bala», - dep málim etti Mańǵystaý oblystyq tótenshe jaǵdaılar departamentiniń baspasóz qyzmetinen.

Jalyn 1 saǵattan soń sóndirilgen. Órtke taratý qalqanyndaǵy elektr symdarynyń qysqa tuıyqtalýy sebep bolǵan.