Aqtaýda teńiz jaǵasynan tabylǵan qustardyń óleksesin mamandar zertteıdi

<p>AQTAÝ. KAZINFORM &mdash; Bul týraly Orman sharýashylyǵy jáne janýarlar dúnıesi komıtetiniń oblystyq aýmaqtyq ınspektsııasy habarlady. Inspektorlar &laquo;Rixos&raquo; qonaq úıiniń janyndaǵy jaǵalaý syzyǵyn aınalyp ótip, bir aqqýdyń jáne alty úırektiń qańqasyn tapqan. Bul jaǵdaı týraly qala bıligi men &laquo;Rixos&raquo; ákimshiligine habar berilgen.</p>

— Búgingi tańda Qarakól kólinde 10-nan astam aqqý men basqa qustar mekendeıdi. Bul jaǵdaıda Kaspıı jaǵalaýynda birneshe qustyń ólimi tabıǵı túrde qustardyń álsireýine baılanysty boldy, - delingen Orman sharýashylyǵy jáne janýarlar dúnıesi komıtetiniń oblystyq aýmaqtyq ınspektsııasy bergen habarlamada.

Foto: Aıagóz Іzbasarova\Kazinform

Inspektsııanyń habarlaýynsha, qustardyń jappaı qyrylýy tirkelmegen. Soǵan qaramastan Mıkrobıologııa jáne vırýsologııa ortalyǵynyń mamandary zertteý úshin óli aqqýlar men úırekterden synama alǵan. Nátıjeleri 10 qańtarǵa deıin daıyn bolady.

Sondaı-aq, vedomstvo qustardyń qus tumaýynyń saldarynan ólýi múmkin ekenin joqqa shyǵarmady.

Foto: Aıagóz Іzbasarova\Kazinform

Aıta keteıik, 2 qańtar kúni jergilikti turǵyn «Rixos» qonaqúıiniń janyndaǵy teńiz jaǵasynan ólgen qustardy taýyp, quzyrly organǵa habar bergen.

Buǵan deıin, Mańǵystaýda Kaspıı jaǵalaýynan bir myńǵa jýyq ıtbalyqtyń óleksesi tabylǵany týraly jazǵan bolatynbyz.