Aqtaýda teńiz jaǵalaýynan ıtbalyqtyń ushasy tabyldy
23:45, 30 Mamyr 2023
AQTAÝ. QazAqparat – 30 mamyrda Aqtaýdaǵy teńiz jaǵasynan jergilikti turǵyn óli ıtbalyqty taýyp aldy, dep habarlaıdy QazAqparat tilshisi.
Itbalyq 15-shi shaǵynaýdandaǵy qonaq úıdiń janynda jatqan. Oqıǵa ornyna ekologtar shaqyryldy.
«30 mamyrda ıtbalyqtyń ushasy tabylǵan jerge jumys toby bardy. Teńiz janýarynyń ushasy qatty buzyla bastaǵandyqtan, ólý sebebin anyqtaý úshin gıstologııa synamalaryn alý múmkin bolmady», — dedi Mańǵystaý oblystyq balyq ınspektsııasy basqarmasynyń basshysy Jaqsyǵalı Іzdibaev.