Aqtaýda SUP serfıngten chempıonat ótti
Serfıngtiń osy túri (eskekpen) týrıstik salada úlken qyzyǵýshylyqqa ıe. Birinshiden, sap serfıngpen aınalysý úshin tolqyn qajet emes. Ekinshiden, kez kelgen jastaǵy adamǵa bul sport túrin meńgerý úshin bir kún ǵana jetkilikti.
Chempıonatqa barlyǵy 27 adam qatysty. Barlyǵy jergilikti turǵyndar. Saǵat 16.00-de bastalǵan chempıonat 4 saǵatqa sozylǵan. Ol Aqtaý qalasyndaǵy birinshi shaǵyn aýdan men «Aqbota» saıabaǵyna qarama qarsy «Brız» ıahta klýb aıdynynda ótken.
Chempıonatty Mańǵystaý oblysy ákiminiń orynbasary Maqsat Sqaqov ashty. «Áıel arasynda Medına Saqtaǵanova jeńimpaz atandy. Kásipqoı erler arasynda Samat Sultanov, áýesqoı erler arasyndaǵy Erlan Qydyrov birinshi oryndy ıelendi», - dedi chempıonat tóreshisi, osy sport túriniń ınstrýktory Samat Tovmýrınov.
Jeńimpazdarǵa Mańǵystaý oblystyq dene shynyqtyrý jáne sport basqarmasynan medaldar men qurmet dıplomdary, «DSK-Aqtaý» kompanııasynan qarjylaı syıaqylar tabys etildi.