Aqtaýda sportshy qyzdyń ólimine qatysty qylmystyq is sotqa joldandy

<p>Aqtaýda Valerııa Shalnovany óltirý faktisi boıynsha qylmystyq is Mańǵystaý oblysynyń qylmystyq ister jónindegi mamandandyrylǵan aýdanaralyq sotyna joldandy. Bul týraly Mańǵystaý oblystyq prokýratýrasynyń baspasóz qyzmetinen málim etti, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Іs QR Qylmystyq kodeksiniń 99-baby 2-bóliginiń 10-tarmaǵy (zorlaý jáne kisi óltirý), 191-baby 1-bóligi (tonaý) jáne 121-baby 1-bóligi (jynystyq sıpattaǵy zorlyq-zombylyq áreketter) boıynsha joldanǵan.

- QR Qylmystyq-protsessýaldyq kodeksiniń 24-babyna sáıkes isti durys sheshý jáne mán-jaıdy jan-jaqty, tolyq jáne obektıvti zertteý úshin zańda kózdelgen barlyq sharalar qabyldandy. Tergeý múddesindegi basqa aqparat jarııalaýǵa jatpaıdy, delingen baspasóz málimetinde.

Eske salsaq, bıyl 2 shilde kúni 21 jastaǵy sportshy qyz Valerııa Shalnovanyń denesi Aqtaýdaǵy sý kanalynyń mańynan tabylǵan edi. 

Qylmystyq is osyǵan deıin birneshe ret qaıta saralanǵan.