Aqtaýda synyq beton paıdalanǵany úshin turǵyn úı qurylysy toqtatylady

<p>Aqtaýda salynyp jatqan turǵyn úıdiń qurylys jumystary toqtatylady. Óıtkeni qurylysqa jaryq beton paıdalanylyp, qalaý tehnologııalary buzylǵan, dep habarlaıdy <a href="Kazinform" target="_blank" rel="noopener">Kazinform.</a></p>

Aqtaý qalasynyń 29A shaǵyn aýdanyndaǵy №130/9, №130/13, №130/14 jer ýchaskelerinde ornalasqan kópqabatty úıdiń ishki plıtalary opyrylyp túsken edi.

Osyǵan oraı Mańǵystaý oblystyq memlekettik sáýlet-qurylys baqylaý basqarmasy turǵyn úıge jospardan tys tekserý júrgizgen. Nátıjesinde qurylysqa jaryq beton paıdalanylyp, qalaý tehnologııalary buzylǵanyn anyqtaǵan. Zań talaptaryna sáıkes ákimshilik shara qabyldandy. 

«Aıyppul óndirildi. Qazirgi tańda júrip jatqan qurylysty toqtatý týraly nusqama berildi. Sonymen qatar qurylysqa tehnıkalyq qorytyndy jasaqtalatyn bolady. Endi turǵyn úıdiń jaramdy, jaramsyz ekenin anyqtaýymyz kerek», - dedi Mańǵystaý oblystyq Memlekettik sáýlet-qurylys baqylaý basqarmasynyń basshysy Dáýren Ótepqalı.