Aqtaýda retrofestıval onlaın formatta ótti

AQTAÝ. QazAqparat – Aqtaýda jańa televızııalyq retrofestıval kórermenge usynylady, dep habarlaıdy QazAqparat tilshisi Aqtaý qalasy ákimdigine silteme jasap.

Bıyl ótkizilgen retrofestıval qala kúnine arnalǵan. Pandemııa saldarynan festıval onlaın formatta ótti.

Oǵan 25 jastan joǵary qala turǵyndary men óner adamdary qatysty.

Іrikteý nátıjesinde 10 adam joldama aldy.

Retrofestıvaldiń televızııalyq nusqasy 24 qazan kúni, saǵat 21:00 -de «AQTAU.TV» telearnasynyń efırinen kórsetiledi.

«Retrofestıval birneshe jyldan beri ótkizilip keledi. Bıyl biz josparlaǵan barlyq sharalar erekshe ótip jatyr. Buǵan deıin festıval teńiz jaǵasynda, amfıteatr sahnasynda keń kólemdi atalyp ótetin. Bıyl «AQTAU.TV« telearnasymen birlesip, televızııalyq jobasyn ázirledik. Festıvaldiń basty maqsaty sonaý 60-70 jyldarǵa saıahat jasap, pandemııa kezinde adamdarǵa jaqsy kóńil-kúı syılaý boldy», - dedi Abaı atyndaǵy mádenı demalys kesheni dırektorynyń shyǵarmashylyq jónindegi orynbasary Margarıta Omarova.