Aqtaýda prezıdenttiń burynǵy rezıdentsııasynyń ornyna meshit pen stadıon salynady

<p>AQTAÝ. KAZINFORM &ndash; Bul týraly Mańǵystaý oblysynyń ákimi Nurdáýlet Qılybaı málimdedi. Aımaq basshysynyń aıtýynsha, prezıdent rezıdentsııasynyń ornyna áleýmettik jáne kásipkerlik nysandar boı kóteredi.&nbsp;</p>

— Qazir rezıdentsııa Aqtaý qalasy ákimdiginiń quzyryna berildi. 225 gektar jer. Soǵan bas jospar jasalyp jatyr. Munda ortalyq stadıon salynady. Onyń sheshimi shyqty. Ol jerde úlken meshit boı kóteredi. Sonymen qatar balalar oınaıtyn alańqaılar boldy. Mysaly bizde teńiz vokzaly joq, sondyqtan teńiz vokzalyn salamyz, - deıdi oblys ákimi Nurdáýlet Qılybaı.

Foto: Aıagóz Іzbasarova

Foto: Aıagóz Іzbasarova

Aıta keteıik, «Samal» shaǵyn aýdanynda ornalasqan jer ýchaskesi 2023 jyldyń jazynda memleket menshigine qaıtaryldy. Buryn aýmaqtyń baǵalaý quny shamamen 1 mıllıard teńgeni qurady. Atalǵan jer Aqtaý qalasynyń bas josparyna engizilip, kelisý jáne memlekettik saraptamaǵa daıyndyq kezeńderi júrip jatyr. 

Buǵan deıin, Aqtaýdy jańa jyldyq bezendirýge qansha mıllıon teńge jumsalatyny týraly jazǵan bolatynbyz.