Aqtaýda Prezıdent rezıdentsııasyn balalar qajettiligine berý boıynsha jumys bastaldy

AQTAÝ.QazAqparat – Mańǵystaý oblysy Aqtaý qalasyndaǵy Prezıdent rezıdentsııasyn balalardyń qajettiligine berý boıynsha jumystar bastaldy. Bul týraly Mańǵystaý oblysy ákiminiń baspasóz qyzmetinen málim etti dep habarlaıdy QazAqparat tilshisi.

Prezıdent rezıdentsııasynyń naqty qandaı ortalyq bolatyny áli belgisiz.

«Biz muny rastaımyz. Osy is boıynsha jumys bastalyp jatyr. Qosymsha aqparat keıinirek beriledi» delingen baspasóz málimeti taratqan málimette.

Qoǵam belsendileri de bul bastamaǵa oń baǵa berip otyr.

«Memleket basshysynyń tapsyrmasymen rezıdentsııany balalardyń qajettigine berý óte quptarlyq sheshim dep oılaımyn. Osy arqyly Prezıdent qoǵamǵa balalar — bizdiń bolashaǵymyz ekenin bildirip otyr. Balalardyń bolashaǵynan úlken, mańyzdy eshteńe joq ekenin osylaı óz isimen úlgi qylyp kórsetip otyr. Sondyqtan mundaı bastamany qoldap, budan basqa da izgi bastamalardy jalǵastyrýǵa bolady. Meniń oıymsha balalarǵa jasalǵan qamqorlyq sheksiz bolýy kerek. Rezıdentsııany balalardyń bilimine qajetti oqý-aǵartý, damytý, tanymdyq úıirmeleri qylyp ashsa degen oıym bar», - dedi Ulttyq quryltaı múshesi Ýaıs Ersaıynuly.

Aıta keteıik, buǵan deıin Aqtóbedegi Prezıdent rezıdentsııasy balalarǵa arnalǵan nysanǵa aınalatynyn jazǵan edik.

Sondaı-aq, Qostanaıdaǵy Prezıdent rezıdentsııasy da balalar ıgiligine berilmek. Ázirge keshenniń qandaı maqsattaǵy mekemege aınalatyny týraly naqty sheshim qabyldanǵan joq.