Aqtaýda polıtsııa mingen qyzmettik kólik jol ústinde aýdarylyp qaldy

<p>AQTAÝ. KAZINFORM - Aqtaýda patrýldik polıtsııa mingen qyzmettik kólik jol apatyna sebepker boldy.</p>

Oqys oqıǵa 29 aqpan kúni Aqtaý halyqaralyq áýejaıyna baratyn jolda oryn aldy.

Oqıǵa kýágerleriniń aıtýynsha, polıtsııaǵa tıesili «Toyota Avalon» kóligi jol ústinde aýdarylǵan. Atalǵan jaǵdaı boıynsha Mańǵystaý oblystyq polıtsııa departamenti pikiri bildirip, jol apatyna patrýldik qyzmetker kináli ekenin atady.

«Patrýldik polıtsııa batalonynyń ınspektory kólikti basqara almaı, «Opel Astra» kóligine soǵyldy. Jol-kólik oqıǵasynyń nátıjesinde polıtsııa qyzmetkeri oblystyq aýrýhanaǵa jetkizilip, alǵashqy kómek kórsetilgennen keıin úıine jiberildi. Oqıǵaǵa kináliler ákimishilik jaýapkershilikke tartyldy», - dedi PD baspasóz qyzmeti.