Aqtaýda polıtseıler teńizge batyp bara jatqan áıeldi qutqardy

AQTAÝ. QazAqparat – Aqtaýlyq polıtseıler sýǵa batyp bara jatqan áıeldi qutqaryp qaldy, dep habarlaıdy QazAqparat Polisia.kz resýrsyna silteme jasap.

17 naýryz kúni Aqtaý qalalyq polıtsııa basqarmasynyń kezekshi pýltine «Samal» shaǵynaýdanynda bir qyzdyń teńizge sekirip, batyp ketkeni týarly habar kelip tústi.

Oqıǵa ornyna «Suńqar-5» patrýldik polıtsııa batalonynyń ekıpajy jiberildi.

Onyń quramynda Erjan Kókenov, Murat Shynybekov jáne ýchaskelik polıtsııa ınspektory Nurjan Jakıev boldy.

Patrýl polıtsııasynyń ınspektory Erjan Kókenov kıimin sheship, birden qyzdy qutqarýǵa kirisken.

Polıtsııa qyzmetkerleri oǵan alǵashqy kómek kórsetip, jedel járdem shaqyrtqan.

Qazirgi kezde 30 jastaǵy áıeldiń ómirine qaýip tónip turǵan joq.