Aqtaýda páterdegi jarylystan er adamnyń bir qoly julynyp ketken

AQTAÝ. QazAqparat – Aqtaýda páterlerdiń birinde jarylys boldy, dep habarlaıdy QazAqparat Lada.kz resýrsyna silteme jasap.

Saldarynan er adamnyń qoly julynǵan. Jábirlenýshi reanımatsııada jatyr.

Oqıǵa ótken senbi kúni 27-shaǵynaýdandaǵy № 46 úıde bolǵan. Turǵyndardyń aıtýynsha, túski ýaqytta páterlerdiń birinen qatty dybys shyqqan.

Jarylystyń ekpininen tereze áınekteri synǵan.

Kýágerler oqıǵa saldarynan osy páterde turatyn er adam zardap shekkenin jetkizdi. Ol bir qolynan aıyrylǵan.

Mańǵystaý oblystyq kópsalaly aýrýhanasynyń baspasóz qyzmeti jarylys ornynan 1988 jyly týǵan er adam jetkizilgenin habarlady. Ol qazir reanımatsııa bóliminde jatyr.

«Egjeı-tegjeıli aqparat dúısenbide beriledi» dep málim etti aýrýhanadan.

№ 46 úı turǵyndarynyń aıtýynsha, zardap shekken er adam - áskerı qyzmetshi. Atalǵan páterde otbasymen birge turady.