Aqtaýda «Otbasy bank» baspana jármeńkesin ótkizdi

<p>ASTANA. KAZINFORM - Sharaǵa qurylys kompanııalary qatysyp, páter alýshylarǵa jeńildikterin usyndy. Al &laquo;Otbasy bank&raquo; mamandary turǵyndarǵa &laquo;Naýryz&raquo; ıpotekalyq baǵdarlamasy týraly málimetter berip, páterlerdi tańdap, brondaýǵa arnalǵan &laquo;Baspana market&raquo; portalynyń jumysymen tanystyrdy.</p>

- Otbasy bank 30-maýsymǵa deıin qazaqstandyqtardan «Naýryz» baǵdarlamasyna ótinishter qabyldap jatyr. Onyń sharttaryna sáıkes, qatysýshynyń qarjy uıymynda depozıtte qarajaty bolýy tıis. Oǵan barlyq nıetti azamattar úlgeredi, – deıdi «Otbasy» bank» AQ Mańǵystaý oblysy fılıalynyń bıznesti damytý bóliminiń basshysy Gúlmıra Sarmysova.

— «Naýryz» baǵdarlamasy boıynsha nesıeniń paıyzdyq mólsherlemesi turǵyn úı kezeginde turǵan azamattardyń áleýmettik osal sanattary úshin 7% (JTSM 7,3%-dan 8,9% deıin), al azamattardyń qalǵan sanattary úshin kredıt boıynsha mólsherleme - 9% (JTSM 9,3%-dan 11,8% deıin). Bastapqy jarnasy nebári 20 paıyzdy quraıdy. Kóptegen turǵyndar ıpotekalyq nesıe alǵysy keledi. Alaıda bastapqy jarnasyn - 50 paıyzdy jınaý barlyq adamǵa birdeı ońaı emes. Sondyqtan atalǵan baǵdarlama halyqqa óte tıimdi. Sondaı-aq, bólingen qarajattyń 60 paıyzy 35 jasqa deıingi jastarǵa arnalǵan. ıAǵnı, baıqaýǵa qatysýshynyń otbasy, balalarynyń bolýy esepke alynyp, ball esepteledi, - deıdi Gúlmıra Sarmysova.

Baspana jármeńkesi «Naýryz» baǵdarlamasyn turǵyndarǵa keńinen túsindirý maqsatynda ótkizildi. Mamandar kelýshilerge keńester berip, páter alýǵa nıetti turǵyndarǵa baǵdarlama sharttaryn jiti túsindirip jatty. Sondaı-aq, sharaǵa aımaqtaǵy 6 qurylys kompanııasy qatysyp, páter alýshylarǵa 5-10 paıyzdyq jeńildikterin usyndy.

Aıta keteıik, jármeńkege qatysqan «K7-grýpp», «BS Stroı», «SK Stroı», «BI group», «Kazstroy premium», «Alan towers» kompanııalary týraly málimetter «Otbasy banktiń» «Baspana market» portalynda tolyq kórsetilgen. Olardyń tolyq tizimimen kez kelgen turǵyn tynysyp, Aqtaýda boı kótergen turǵyn úılerdi úıinen shyqpaı-aq tańdaı alady.

Foto: Langa Chereshkaıte

Aıta ketetin jáıt, «Naýryz» baǵdarlamasynyń sharttary boıynsha zaemnyń eń joǵary mólsheri barlyq óńirlerge 30 mıllıon teńge, al Astana men Almaty qalalaryna 36 mıllıon teńge qarastyrylǵan. Sondaı-aq bank ókilderi «Otaý» baǵdarlamasy boıynsha da 289 zaem berilgenin qýana habarlady.

- Qazir óńirde «Otaý» baǵdarlamasynyń baıqaýy aıaqtalyp, turǵyndar baspanalaryn alyp jatyr. Oǵan depozıtteriniń merzimi 18 aıdan asqan klıentterimiz qatysa aldy. Úmitkerlerge «Baspana market» portalynda 9 169 páterden turatyn 320 turǵyn úı usynylǵan, onyń 939-na tapsyrys berildi. Qazir jańa páterlerdegi qonys toıyn Astana, Almaty, Shymkent, Abaı, Aqtóbe, Shyǵys Qazaqstan, Jambyl, Batys Qazaqstan, Qaraǵandy, Mańǵystaý oblystarynyń turǵyndary atap ótýge daıyndalýda. «Otaý» baǵdarlamasy boıynsha ótpegen azamattar «Naýryz» baǵdarlamasyna aýysyp jatyr, - deıdi Gúlmıra Sarmysova.

Baspana jármeńkesinde sondaı-aq, «Otaý» baǵdarlamasy boıynsha páterli bolǵan turǵyndarǵa syılyqtar berilip, qurmet kórsetildi. Solardyń biri Aqtaý qalasynyń turǵyny Ulmeken Kóbesinova.

Bastapqyda ol jyl saıyn beriletin memlekettik syılyqaqyǵa qyzyǵyp, depozıt ashqanyn, artynan sol salymymen baspanaly bolǵanyn qýana aıtyp otyr.

-Men 5 jylda 5,5 mıllıon teńge jınadym. Memlekettik syılyqaqy túsken saıyn, qyzyǵýshylyǵym arta tústi. Nátıjesinde «Otaý» baǵdarlamasyna qatysyp, jańadan salynǵan turǵyn úılerden ózime unaǵan páterdi tańdap aldym. Otbasy banktiń baǵdarlamalary halyqqa tıimdi, - deıdi ol.