Aqtaýda órt sóndirý aıaldamasy paıda boldy
Atalǵan aıaldama Mańǵystaý oblystyq Tótenshe jaǵdaılar departamentiniń muryndyq bolýymen qutqarýshylar kúnine oraı ornatyldy. Aıaldamada Málik Ǵabdýllın atyndaǵy azamattyq qorǵaý akademııasyna oqýǵa túsýdiń negizgi talaptary kórsetilgen. Qaýipsizdik erejeleri kórsetilgen jadynamalyq aqparattar da bar. Jadynamalarda sýdaǵy qaýipsizdik, órt jáne jer silkinisi kezindegi qaýipsizdik erejeleri men nusqaýlyqtar kórsetilgen.
- Mańǵystaý oblysy Tótenshe jaǵdaılar departamentiniń «2023 jylǵa arnalǵan Mańǵystaý oblysynyń Tótenshe jaǵdaılar departamenti qyzmetkerleriniń tárbıe, ıdeologııalyq jumysy jáne azamattarǵa áskerı-patrıottyq tárbıe berý» josparynyń 1-tarmaǵyna sáıkes 21-shaǵyn aýdan 37/1 turǵyn-úıiniń artyndaǵy aýmaqta órt sóndirý aıaldamasy ornatyldy. Aıaldamada turǵyndarǵa órttiń aldyn-alý sharalaryn qalaı júrgizý kerektigi kórsetilgen. Negizgi maqsat - qutqarýshy mamandyǵyn dáripteý jáne turǵyndardy órt qaýipsizdigi sharalaryn saqtaýǵa shaqyrý, - dedi Aqtaý qalalyq Tótenshe jaǵdaılar basqarmasynyń bastyǵy Jandos Kenjebaev.