Aqtaýda órt kezinde kúıik shalǵan Ózbekstan azamattarynyń jaǵdaıy qıyn

<p>AQTAÝ. KAZINFORM &ndash; Aqtaýda kólik jóndeý tsehynda bolǵan órtten zardap shekken Ózbekstan Respýblıkasynyń eki azamatynyń jaǵdaıy múshkil.</p>

Bul týraly Mańǵystaý oblystyq kópbeıindi aýrýhanasynyń dárigerleri málimdedi.

«Órt kezinde zardap shekken sheteldik azamattar áli de jansaqtaý bóliminde. Bireýiniń jaǵdaıy óte aýyr. Ekeýi de apparatta jatyr», - dedi aýrýhananyń dárigerleri.

Oqys oqıǵa aqpan aıynyń 13 kúni keshke bolǵan. Órt kezinde termııalyq kúıikpen Ózbekstan Respýblıkasynyń eki azamaty aýrýhanaǵa jetkizilip, keıin olardyń jaǵdaıy aýyr ekeni aıtyldy. Sodan beri sheteldikterdiń jaǵdaıy ázirge ońalmaı otyr. 

Al buǵan qatysty Mańǵystaý oblystyq TJD qalanyń 28a shaǵyn aýdanyndaǵy tsehta kólik dóńgelekteriniń janýy kezinde eki adamnyń syrtqa shyǵyp úlgermegenin málimdegen edi. Jalyn 42 sharshy metr aýmaqty sharpyp, órtti sóndirýge TJD-niń 12 adamy men 3 arnaıy tehnıkasy jumyldyrylǵan.