Aqtaýda «Oraza tartýy» aktsııasy bastaldy

AQTAÝ. QazAqparat - Aqtaýda «Ulttyq Rýh» qoǵamdyq birlestigi jáne oblystyq «Beket ata» meshitiniń bastamasymen «Oraza tartýy» aktsııasy bastaldy, dep habarlaıdy QazAqparat tilshisi.

Shara aıasynda daıyndalǵan arnaıy tizimdegi azyq-túlik sebeti tıisti adamdardyń mekenjaıyna jetkiziledi. ıAǵnı, aýyzashar dámi muqtaj janǵa tabystalady.

Atalǵan aktsııany memlekettik qyzmetshiler birinshi bolyp qoldady. Qalalyq ákimdiktiń qyzmetkerleri 150-ge jýyq otbasyǵa Aýyzashar apardy. Sondaı-aq, oblystyq mádenıet basqarmasy, óner salasynyń ókilderi de atsalysty.

«Ramazan aıy - jaqsylyq aıy! Barsha musylmandy ıgi iske jumyldyratyn qasıetti mereke. Qasıetti aıda shapaǵatymyzdy muqtaj jandarǵa kórsetsek, saýaby eseleneri sózsiz. Sondyqtan Mańǵystaý halqyn, barlyq ujymdardy atsalysýǵa shaqyramyn»,-dedi oblystyń bas ımamy Ánýar Іzimbaıuly.

Sharaǵa qoldaý kórsetýge «Forte bank» AQ oblystyq fılalynyń ujymy da keldi. Olar 50 otbasyǵa azyq-túlik aparýǵa sheshim qabyldaǵan.

Jalpy, Ramazan aıynyń sońyna deıin kómekke muqtaj 2500-den asa otbasyǵa aýyzashar aparý kózdelgen.