Aqtaýda on jyl boıy salynǵan úıden alǵashqy páterler berile bastady
Aıta keteıik, 12 móltekaýdandaǵy 36 úıdiń úleskerleri qurylystyń aıaqtalýyn 2006 jyldan beri kútip keldi. Bul úı qurylysynyń uzaqqa sozylýy kompanııanyń sotqa tartylý saldarynan bolǵan edi. Ol úleskerler quıǵan 250 mıllıon teńgeniń 110 mıllıonyn ǵana qurylysqa jumsaǵan. Bul máseleni sheshý úshin memleket 200 mıllıon teńge qaıtarylýy tıis qarjy bólip, jańa merdiger taǵaıyndady.
Osy on jyl ishinde úlesker Anara Batyhovanyń otbasynda úsh bala dúnıege keldi. Onyń otbasy da qonys toıyn toılaýshylar qataryna ilikti.
«15 páterdiń kiltin tabystady, bul ázirge tek bir ǵana kireberistiki. Jýyq arada qalǵan otbasylarǵa da kiltteri beriledi. Turǵyn úı ıeleriniń barlyǵynyń atynan oblys ákimine kómek qolyn sozǵany úshin alǵys aıtamyn», - dedi úıdiń turǵyny Anara Batyhova.
Sondaı-aq, jergilikti bılik turǵyn úıde lıfttiniń bolmaýy sebepti basqa kireberistegi turǵyndarǵa qonystanýǵa ruqsat bermeı otyr. Óıtkeni lıft qudyǵyna adamdar qulap ketýi múmkin. Al, Aqtaý ákiminiń orynbasary Nurlybaı Aqqulov qańtar aıynyń ortasyna deıin lıft ornatýǵa ýáde berdi.