Aqtaýda oq jaraqatyn alǵan sarbaz mert boldy

<p>ASTANA. KAZINFORM &ndash; Jas sarbaz qarýdy ustaý erejesin saqtamaý saldarynan jaraqat alyp, artynan qaıtys bolǵan. Bul aqparatty Aqtaý gornızonynyń baspasóz qyzmeti rastady.</p>

«2024 jylǵy 7 qyrkúıekte «Batys» óńirlik qolbasshylyǵy bólimsheleriniń «Oımasha» polıgonynda ótip jatqan jıyn kezinde qarýdy paıdalaný erejelerin saqtamaý saldarynan merzimdi áskerı qyzmetshi oq jaraqatyn alyp, qaza tapty», - delingen habarlamada.

Qazir qaıǵyly oqıǵanyń sebebi anyqtalýda.

«Atalǵan fakti boıynsha qylmystyq is qozǵaldy. Tergeý múddesi úshin ózge aqparattar jarııalaýǵa jatpaıdy», - deıdi Aqtaý gornızonynan.

Sarbaz ólimine baılanysty Qarýly kúshter Qurlyq áskerleriniń qolbasshylyǵy men jeke quramy marqumnyń týystary men jaqyndaryna qaıǵyryp kóńil aıtady.

Eske sala ketsek, taıaýda Saryózek garnızonynda áskerı qyzmetshige abaısyzda oq tıgeni týraly habarlaǵan edik.

Áskerı qyzmetshi qarý-jaraq qoldaný erejesin saqtamaı, sonyń saldarynan oq jaraqatyn alǵan.