Aqtaýda Naýryz kezinde «Qyz uzatý» salty oryndaldy

AQTAÝ. QazAqparat - Búgin Aqtaýdyń teńiz jaǵalaýynda qala qonaqtary men turǵyndaryna 20-dan astam kıiz tigilip, Naýryz meıramynyń qurmetine jappaı qydyrý, sporttyq saıystar, mádenı baǵdarlamalar boldy.

Sonymen birge, ulttyq dástúrimizdiń aınymas bóligi «Qyz uzatý»  rásiminiń teatrlandyrylǵan qoıylymy ótti, dep habarlaıdy «QazAqparat» HAA tilshisi.

 

«Barlyq etnomádenı birlestikter kıiz úı mańynda án salyp, bı bılep, túrli oıyndar oınady. Barlyǵy ulttyq kıim kıip, ulttyq taǵamdardy usyndy. Máselen, bizdiń kıiz úıde jańa pisirilgen baýyrsaqpen shubat ishýge bolady. Ulttyq taǵamdar men buıymdar kórmesi ashylyp, túrli sporttyq saıystar, ulttyq oıyndar  ótýde», - dedi Mańǵystaý oblysy «Qoǵamdyq kelisim» KMM jetekshisi Amangúl Jaıylhanova.