Aqtaýda muǵalimderdiń barlyǵy vaktsına saldyrdy

AQTAÝ. QazAqparat - Aqtaýda mektep muǵalimderiniń barlyǵy koronavırýsqa qarsy vaktsına saldyrdy, dep habarlaıdy QazAqparat.

Aqtaý qalasy ákiminiń baspasóz qyzmeti taratqan aqparatqa qaraǵanda, qazir oblys ortalyǵynda 39 jalpy bilim beretin mektep bar. Onyń ishinde 25 memlekettik, 1 keshki, 11 jekemenshik.

Muǵalimder men 2415 qyzmetker koronavırýs ınfektsııasyna qarsy tolyq vaktsına aldy.

Bul qala boıynsha mektepterdegi muǵalimderdiń jalpy sanynyń 99,5%.

Osylaısha, pedagogtar jańa oqý jylyna tas-túıin daıyn.

«Muǵalimder vaktsınany erikti túrde mamyr aıynan bastap saldyra bastady. Olar balalarmen tikeleı qarym-qatynasta bolatyndyqtan egý jumystary qarqyndy júrgizildi.

Bıylǵy oqý protsesi sanıtarııalyq-epıdemıologııalyq normalardy qatań saqtaı otyryp uıymdastyrylady. Mektepterde dezınfektsııanyń 4 satyly súzgisi, jeldetý, kvartstaý, ylǵaldy jınaý rejımi kúsheıtiledi», -dedi Aqtaý qalalyq bilim bóliminiń basshysy Baǵdat Turǵanbaeva.

Bıyl jańa oqý jylynda qala mektepteri 50 myńnan astam oqýshyny qabyldaıdy dep josparlanǵan. Onyń ishinde 6150-i - birinshi synypqa qadam basady.