Aqtaýda mıtıngke qatysýshylar kıiz úıler men palatkalardy jınap jatyr (FOTO)

AQTAÝ. QazAqparat – Aqtaý qalasyndaǵy Yntymaq alańynda narazylyq bildirýge shyqqan azamattar tarap jatyr. Qala ákimdigi aldyndaǵy alańda kólikterge kirýge kedergi joq, dep habarlaıdy QazAqparat.

Aqtaý polıtsııasy Yntymaq alańynan ketýden bas tartqan birneshe qatysýshyny ustady. Keshe narazylyq bildirýshilerdi aktsııany toqtatýǵa úndedi. Qazirgi kezde Aqtaýdaǵy mıtıng tolyq aıaqtaldy.

Aıta ketsek, búginnen bastap Mańǵystaý oblysynda qoǵamdyq kólik barlyq baǵdarlar boıynsha júre bastaǵan. Áýe aılaǵy shtattyq rejımde jumys isteýde, biraq alǵashqy ushaqtyń tek keshke ushatyny týraly naqtylandy. Ol áýejaıdan usha almaı, sol jerdegi qonaqúıde túnegen jolaýshylardy elordaǵa jetkizedi. Qazirgi kezde qalada jaǵdaı tynysh ári turaqty.