Aqtaýda «Meıirimdi ana» ortalyǵy ashyldy
Bul týraly Mańǵystaý oblysy ákiminiń baspasóz qyzmetinen málim etti, dep habarlaıdy QazAqparat tilshisi.
«Meıirimdi Ana» qoǵamdyq qory qıyn ómirlik jaǵdaıǵa tap bolǵan jumyssyz analarǵa kómek kórsetýge baǵyttalǵan jobalardy iske asyrady. Áıelderge tiginshi, massajıst mamandyǵyn meńgerýge nemese óz isin ashýǵa kómektesedi. Qor eki jyl ishinde myńǵa jýyq anaǵa kómek kórsetti. Onyń ishinde 50 áıel tiginshilik kýrsyn aıaqtasa, taǵy 5 adam bızneske grant utyp aldy», - delingen baspasóz qyzmetiniń málimetinde.
Aımaq basshysy Nurlan Noǵaev problemalarmen betpe-bet kelip, qoǵamdy jaqsy jaqqa ózgertkisi keletin belsendi úkimettik emes uıymdarǵa qoldaý kórsetý kerektigin atap ótti.
«Meıirimdi ana» qorynyń keńsesi 29 shaǵynaýdan, «Asyl arman» turǵyn úı kesheninde ornalasqan. Jańa keńsege kelip, kez kelgen qıyn jaǵdaıǵa tap bolǵan áıel kómek ala alady.