Aqtaýda metallýrgter ereýilge shyqty
19:28, 16 Sáýir 2022
AQTAÝ. QazAqparat – «ArcelorMittal Tubular Products Aktau» AQ jumysshylary el Prezıdentiniń atyna jalaqyny 100% arttyrýdy talap etetin beıneúndeý joldady, dep habarlaıdy QazAqparat Mańǵystaý oblysynyń ákimdigine silteme jasap.
«ArcelorMittal Tubular Products Aktau» AQ munaı-gaz salasyna arnalǵan bolat qubyrlar shyǵarýǵa jáne taý-ken óndirý ónerkásibinde paıdalanylatyn magıstraldy sý taratqyshtardy, jylý trassalaryn jáne pýlpo/shlam qubyrlaryn salýǵa mamandanǵan.
Jumys berýshi kompanııanyń 15 sáýirdegi málimetine sáıkes, 120 jumysshy jalaqyny kóterýdi talap etken jáne óz talaptary oryndalmaıtynyn aıtyp, jumysty toqtatqan.
Aıta keteıik, buǵan deıin «ArcelorMittal Tubular Products Aktau» AQ qyzmetkerleri kásiporyn dırektoryna jalaqyny 100% arttyrý talabymen hat joldaǵan bolatyn. Kásiporyn dırektory bul hatty jalaqyny kóterý múmkindigi máselesin kelisý úshin «ArcelorMittal Temirtau» AQ aktsıonerine jibergen. Búgingi kúnge deıin bul másele óz sheshimin tappady.