Aqtaýda medsaqtandyrý qory fılıalynyń dırektory aqsha jymqyrdy degen kúdikpen ustaldy

AQTAÝ. QazAqparat - Aqtaýda áleýmettik-medıtsınalyq saqtandyrý qory fılıalynyń basshysy Rýslan Bektibaev qamaýǵa alyndy. Ol 17,5 mıllıon teńge jymqyrdy degen kúdikke ilindi, dep habarlaıdy QazAqparat tilshisi.

Kúdiktiniń qasynda medıtsınalyq fırmalardyń biriniń dırektory da bar.

Kompanııa qormen tegin medıtsınalyq kómek kólemi sheńberinde qyzmetterdi satyp alý shartyn jasasqan.

Densaýlyq saqtaý mınıstrliginiń bazasyna emdelý nemese dárigerdiń keńesin alǵan adamdar týraly jalǵan málimetter engizip otyrǵan.

«Azamattarǵa tegin medıtsınalyq kómek kórsetilgen. Biraq is júzinde bul qyzmetter jasalmaǵan. Kúdikti qamaýǵa alyndy. Tergeý jalǵasyp jatyr», - dedi Mańǵystaý oblysynyń prokýrory Rýfat Quttyqov.

Rýslan Bektibaev eki aıdan beri tergeý ızolıatorynda jatyr.

Fılıaldyń burynǵy dırektorynyń múlki tárkilenip, jeti jyldan 12 jylǵa deıin bas bostandyǵynan aıyrý qaýpi tónip tur.