Aqtaýda medıtsınalyq ortalyq 8 aı boıy 33 qyzmetkeriniń jalaqysyn bermegen

<p>AQTAÝ. KAZINFORM &ndash; Prokýratýra qadaǵalaý júrgizý barysynda Aqtaý qalasyndaǵy medıtsınalyq ortalyq uzaq ýaqyt boıy eńbek ınspektsııasynyń jalaqy boıynsha bereshekti tóleý týraly nusqamasyn oryndamaǵany anyqtaldy.</p>

«Osy negizde, Mańǵystaý oblysynyń prokýratýrasy 2023 jyldyń 8 aıynda jınalǵan 7 mln teńgeni 33 jumysshynyń jalaqysyna bereshekti tóletýge májbúrleý sharalaryn qabyldady.

Atqarýshylyq qujatty ýaqtyly oryndamaǵany úshin QR ÁQBtK 669-babynyń 1-bóligi boıynsha medıtsınalyq ortalyq dırektoryna 103 500 teńge kóleminde ákimshilik aıyppul salyndy», — dep jazdy Bas prokýratýradan.

Prokýratýra eńbek qatynastary sheńberindegi mindettemelerdi oryndamaýdyń quqyqtyq saldary týraly eskertedi.