Aqtaýda «Mangystau Nauryz fest - 2023» festıvali ótip jatyr

AQTAÝ.QazAqparat - Aqtaýda oblystyq jastar resýrstyq ortalyǵynyń uıymdastyrýymen «Mangystau Nauryz fest - 2023» festıvali ótip jatyr. Shara aıasynda jastar tal otyrǵyzyp, táttiler úlestirdi, dep QazAqparat tilshisi.

Jastar festıvaliniń alǵashqy kúni ortalyq mamandary men volonterleri jastar úıiniń mańyna 25 shyrsha aǵashyn otyrǵyzdy.

Al qala turǵyndaryn men qonaqtaryna merekelik kóńil-kúı syılaý maqsatynda «Jyl qutty bolsyn!» degen jazýy bar 250-ge jýyq tátti taratty.

«Amal merekesinen bastalǵan jastar festıvaliniń negizgi maqsaty – aǵa býyn men jastar arasyndaǵy baılanysty nyǵaıtyp, ulttyq qundylyqtardy dáripteý. On kúnge sozylatyn Naýryz festıvali aıasynda bastańǵy, oblystyq pikirsaıys týrnıri, ulttyq sporttyq jarystar ótedi. Sondaı-aq jastar úıinde arnaıy merekelik dastarqan jaıylady»,- dedi Mańǵystaý oblystyq jastar resýrstyq ortalyǵynyń basshysy Abylaı Fazylbek.

15 naýryzda jastar ortalyǵy mańynan qurylǵan volonterler oblystyq otbasylyq úlgidegi balalar úıi men sábıler úıiniń tárbıelenýshilerine jańajyldyq bazarlyq úlestirdi. Sonymen qatar analar úıinen kómek alatyn jalǵyzbasty, kópbalaly analarǵa baryp, syı-sııapat kórsetti. Osylaısha, bıyl 50-ge jýyq adamǵa merekelik syılyq tabystaldy.

Jastar festıvali 22 naýryzǵa deıin jalǵasady.