Aqtaýda Lexus ishinen 302 kg bekire tuqymdas balyq tabyldy

AQTAÝ. QazAqparat - Mańǵystaý oblysynda 300 keliden astam bekire tuqymdas balyq tárkilendi. Bul týraly oblystyq Polıtsııa departamentinen málim etti, dep habarlaıdy QazAqparat tilshisi.

«16 qarasha kúni saǵat 16:30 shamasynda Aqtaý qalasynyń aýmaǵynda 26-ynshy shaǵynaýdanda Lexus markaly avtokólik toqtatyldy. Kólikti tekserý barysynda 76 dana bekire tuqymdas balyq tabyldy, olardyń jalpy salmaǵy 302 kelini qurady», - delingen baspasóz málimetinde.

Balyqty zańsyz aýlaǵan 32 jastaǵy azamat pen 44 jastaǵy azamatshaǵa qatysty QR Qylmystyq kodeksiniń 339-baby boıynsha qylmystyq is qozǵaldy.

Sotqa deıingi tergeý amaldary júrgizilip jatyr.

«Tergeý múddesine oraı ózge aqparat jarııa etilmeıdi», - dedi polıtsııadan.

Foto: facebook.com/dvdmangistauaktau