Aqtaýda kúshti jel turyp, qalanyń teń jartysy jaryqsyz qaldy

<p>AQTAÝ. KAZINFORM &ndash; Saldarynan baǵdarshamdar óship, kóshelerde keptelister boldy. Aqtaý elektr jelileri stantsııasynyń málimetinshe, jaryqtyń óshýi MAEK kásipornynyń jelisinde boldy. Qazirgi kezde MAEK tarapynan qalpyna keltirý jumystary júrgizilýde.</p>

Kúshti jeldiń saldarynan keıbir turǵyn úılerdiń qurylys materıaldary ushyp, turǵyndardyń ómirine qaýip tóndirdi. Sondaı-aq, birneshe aıaldamanyń shatyry ushqan. Saldarynan Mańǵystaý oblystyq aýrýhananyń qabyldaý bólimine túrli dene jaraqytymen 3 adam jetkizilgen.

-Aýrýhana qabyldaý bóliminiń «Jaraqat pýnktine» jedel járdem kómegimen 2 naýqas jáne ózdiginen 1 naýqas jetkizildi. Olardyń 2-ýi 1 shaǵynaýdanda aıaldamanyń qulaýy saldarynan zardap shekken. Taǵy bir turǵyn áskerı bólimnen keldi. Olardy beıindi dárigerler qarap, qosymsha zertteý júrgizilýde. Jaǵdaılary ortasha aýyr, - delingen aýrýhana baspasóz qyzmetiniń habarlamasynda.

Aqtaý elektr jelileri stantsııasynyń málimetinshe, qazirgi ýaqytta elektr jelesin jóndeý jumystary aıaqtalyp, shaharǵa jaryq berilgen.

5 qarasha kúni saǵat 11.29-de kúshti jeldiń saldarynan «MAEK» JShS elektr stantsııasy shınalarynan shyǵatyn jeti kerneýi 110 kV elektr berý jelileri jáne kerneýi 35 kV úsh elektr berý jelilerinde ajyraý oryn aldy. Saǵat 11.41-de olardyń bireýi qosyldy. Saǵat 11.48–de ekinshisi, saǵat 12.02-de qalǵan barlyq jeliler qosylyp, «MAEK» JShS tarapynan elektrmen jabdyqtaý rejımi tolyǵymen qalpyna keltirildi.

Osyǵan deıin Aqtaý qalasy ákimdigi qysta joldaǵy qaýipsizdikti qamtamasyz etetin topyraq pen tuz ázirlenip, tehnıkalar tizimi jasalǵanyn habarlady.