Aqtaýda kóppáterli turǵyn úıdiń kilti tabystaldy

AQTAÝ. QazAqparat - Aqtaý qalasynda el Táýelsizdiginiń 30 jyldyǵy aıasynda jáne Konstıtýtsııa kúnine oraı 18 shaǵynaýdanda ornalasqan 4 turǵyn úı paıdalanýǵa berildi, dep habarlaıdy QazAqparat tilshisi.

180 páterden turatyn úı «Nurly jer» memlekettik baǵdarlamasy aıasynda boı kótergen. Kilt tabystaý rásimine Aqtaý qalasynyń ákimi N.Qılybaı qatysyp, baspanaly bolǵan azamattardy qonys toımen quttyqtady.

«Qalamyzda memleket qoldaýynyń nátıjesinde baspanaly bolyp, qonys toıyn toılaıtyndar sany artyp keledi. Osy jazda «Aqqý-3» turǵyn úı kesheninen 443 páter tabystalyp, qýanyshtyń kýási boldyq. Búgin mine jalpy aýdany 10 150 sharshy metr bolatyn jańa turǵyn úıdi paıdalanýǵa berýdemiz. Merekemen tuspa-tus kelgen qonys toılaryńyz qutty bolsyn. Shańyraqtaryńyz shattyqqa toly bolyp, bereke-birligimiz arta bersin», - dedi qala basshysy.

Sharaǵa jınalǵandar tolyq emes otbasy Medına Alagózovanyń jańa shańyraǵynda bolyp, dám tatty. Jańa qonystyń alǵashqy qonaǵy bolǵan aýyl aqsaqaldary bata berdi. Keler jyly 19A jáne 18 shaǵynaýdandardan kóppáterli 9 turǵyn úı paıdalanýǵa berý josparlanyp otyr. Osylaısha óńirde qonys toıyn toılaýshylar sany artpaq.