Aqtaýda kópqabatty úıdiń shatyry jandy: 100 adam evakýatsııalandy

AQTAÝ. QazAqparat – Aqtaýdaǵy «Florentsııa» turǵyn úı kesheniniń shatyrynda órt shyqty, dep habarlaıdy QazAqparat tilshisi.

«Búgin saǵat 15:08 kezinde Aqtaý qalasyndaǵy 17-shi shaǵyn aýdanynda «Florentsııa» turǵyn úı kesheniniń shatyry janyp jatqany týraly shaqyrtý tústi. Oqıǵa ornyna kelgen kezde jalpy aýdany 5 244 sharshy metr bolatyn shatyrdyń shamamen 500 sharty metri janyp jatqany anyqtaldy», - dedi Mańǵystaý oblysy Tótenshe jaǵdaılar departamenti basshysynyń orynbasary Nurlan Jańabaev.

Onyń aıtýynsha, órtti óshirý jumystaryna 80 qyzmetker men 17 arnaıy tehnıka jumyldyryldy.

«Órt kezinde páterlerdegi 100 adam, onyń ishinde 20 bala qaýipsiz jerge kóshirildi», - dedi N. Jańabaev.

Vıdeo: lada.kz