Aqtaýda kópqabatty úıdiń jertólesinde taýyq baqqandar anyqtaldy

<p>AQTAÝ. KAZINFORM &ndash; Aqtaýda 31-shaǵyn aýdandaǵy &laquo;Dáýlet&raquo; turǵyn úı kesheniniń turǵyndary jertóleden jaǵymsyz sasyq ıis shyǵatynyna jáne páterlerinde búrge qaptap ketkenine shaǵymdandy. Olardyń aıtýynsha, qolqany qabatyn ıistiń shyqqanyna biraz ýaqyt bolǵan.</p>

- Basynda biz kishkentaı balalar jertólege baryp dáret syndyrady dep oıladyq. Tipti úıdiń kireberisinen múńkigen sasyq ıis shyǵyp turady, - deıdi turǵyndar.

«Bul neǵylǵan sasyq ıis» dep jertólege barǵan turǵyndar jaǵalaryn ustaǵan. Sebebi, turǵyndardyń biri úıdiń astynda taýyq baǵatyn bolyp shyqty. Ol jertólede taýyqkepe jasap qoıǵan. 100-ge jýyq balapan júr.

Turǵyndardyń mazasyn alǵan búrge de osy taýyq ketekten kelgen bolyp shyqty.

Osy oqıǵa boıynsha Aqtaý qalalyq turǵyn úı ınspektsııasy bólimi málimet berdi. Aıtýlarynsha, atalǵan turǵyn úıge qyzmet kórsetýshi múlik ıeleri birlestiginiń tóraǵasymen qalalyq turǵyn úı ınspektsııasy tarapynan túsindirme jumystary júrgizilgen. Jertóle eki kún buryn tazartylyp, tıisti ýlaý jumystary júrgizilgen.