Aqtaýda kópbalaly ana 6 adamdy jumyspen qamtyp otyr

AQTAÝ. QazAqparat - Aqtaýlyq Dınara Kóktaýbaıqyzy 29 shaǵyn-aýdandaǵy «Januıa» áleýmettik qoldaý ortalyǵynda tigin tsehyn ashyp, ózi sekildi ismer áıelderdi jumyspen qamtyp otyr, dep habarlaıdy QazAqparat tilshisi.

Dınaranyń aıtýynsha, onyń maqsaty - kópbalaly jáne az qamtylǵan analardy jumysqa ornalastyrý, osy kásipti meńgerýge úles qosý.

«Aqtaý qalasynyń ákimdigi tarapynan qoldaý bolyp, «Januıa» ortalyǵynan bólme berildi. Tigin mashınalaryn satyp aldym. Menimen birge 2 kópbalaly ana, 1 múgedektigi bar ana, 2 asyraýshysynan aıyrylǵan kelinshek jumys istep jatyr. Olardyń túrli kıimdi tigip, pishýge qabiletteri men yntalary jetkilikti. Aldymen tósek-kórpe tigip bastadyq. Sosyn perdeler, balalar kıimderi, medıtsınalyq halattar, keıin jumysshylarǵa arnalǵan arnaıy kıimderden tapsyrystar tústi. Árqaısysyn sapaly etip jasaýǵa ári tapsyrys berýshilerdiń kóńilinen shyǵýǵa tyrysamyz»,-deıdi ol.

Dınaranyń tigin tigýge degen qushtarlyǵyn anasy oıatqan. Qyr, syryn meńgerip, mashyqtana bastaǵan soń tigin kýrsyna baryp, biliktiligin jetildirgen. Qazir qaramaǵyndaǵy qyzdardy úıretip júr. Qazir tigin tsehynda qyzmet etetin 7 áıel bar.

Aıta keteıik, «Januıa» ortalyǵynda az qamtylǵan kópbalaly analar, jeke kásibin ashýǵa nıetti jandar men ózderin tolǵandyrǵan máselelerge baı̆lanysty keńes alýǵa múmkindik bar.