Aqtaýda kópbalaly analarǵa «Altyn alqa» tabystaldy

<p>AQTAÝ. KAZINFORM - Aqtaýda kópbalaly 44 anaǵa &laquo;Altyn alqa&raquo; jáne &laquo;Kúmis alqa&raquo; tabystaldy. Olardyń 11-i &laquo;Altyn alqaǵa&raquo; ıe bolsa, qalǵan 33-ine &laquo;Kúmis alqa&raquo; saltanatty túrde berildi. &nbsp;</p>

Qala ákimdiginiń baspasóz qyzmetiniń málimetinshe, marapatqa ıe bolǵan analardy shahar basshysy U.Tnalıev quttyqtap, balalardyń bolashaǵy úshin jasalyp jatqan jumystarǵa toqtaldy.

«Balalardyń sapaly bilim alýyna jaǵdaı jasaý maqsatynda kóptegen jumys jasalyp jatyr. Qazir qalada «Jaıly mektep» jobasy aıasynda 8 mektep salynady. Budan bólek, «Bilim berý ınfraqurylymyn qoldaý qory» arqyly eki mektep salynýda. Al balalardyń sanaly tárbıe alýyn qamtamasyz etetin ol - analar. Sondyqtan analar árqashan qurmetke laıyq. Denderińizge saýlyq, otbasylaryńyzǵa amandyq tileımin!», - dedi Aqtaý qalasynyń ákimi Ulyqbek Tnalıev marapattaý rásiminde.

Óz kezeginde kópbalaly analar da alǵys bildirdi. Solardyń biri 42 jastaǵy Saıra Ábdimuratova 6 balany tárbıelep otyr.

«Marapatqa ıe bolǵan barsha anany quttyqtaımyn! Balalarymyz aman bolsyn! Analarǵa osyndaı qurmet kórsetkeni úshin alǵys aıtamyn», - dedi kópbalaly ana Saıra Ábdimuratova.