Aqtaýda kólik jýý ortalyqtarynyń jumysyna taǵy da shekteý qoıyldy

<p>AQTAÝ. KAZINFORM &ndash; Aqtaýda turǵyndardy aýyz sýmen qamtý úshin 9 shildeden bastap avtokólik jýý ortalyqtarynyń jumysy men jasyl jelekterdi sýarýǵa ýaqytsha shekteý qoıyldy.&nbsp;</p>

«Aqtaý qalasynda aýa jáne teńiz temperatýrasynyń joǵarylaýyna, sondaı-aq aýyz sýdy tutyný kóleminiń ósýine baılanysty, ortalyq sýmen jabdyqtaý toraptaryndaǵy (OSJT) aýyz sý deńgeıin turaqtandyrý qajet. Osy maqsatta qala aýmaǵyndaǵy barlyq kólik jýý ortalyqtarynyń jumysyna jáne jasyl jelekterdi sýarýǵa ýaqytsha shekteý qoıylady. Qala ákimdigi „MAEK“ JShS 08.07.2024 jylǵy № 21 hatyna sáıkes, „Kaspıı jylý, sý arnasy“ MKK-ǵa kólik jýý ortalyqtarynyń jumysyna jáne jasyl jelekterdi sýarýǵa ýaqytsha shekteý qoıý jóninde hat joldady, — dep habarlady Aqtaý qalasy ákimdiginiń baspasóz qyzmeti. 

Osyǵan baılanysty qala ákimdigi men «MAEK» JShS kólik jýý ortalyǵynyń ıelerinen túsinistik tanytýdy suraıdy.

Aıta keteıik, jaz bastalǵaly Aqtaýda aýyz sý tapshy. Buǵan deıin zaýyttarda apatty jaǵdaılar bolyp, turǵyndar birneshe kún qatarynan sýsyz qaldy.  Sol kezde de kólik jýý oryndarynyń jumysy shekteldi.