Aqtaýda «KazAzot» kásipornyna jospardan tys tekserý júrgiziledi
«KazAzot» AQ-nyń bas tehnology Erlan Kýdashevtiń aıtýynsha, búgin, 17 shildede saǵat 07.40-ta qalypty tehnologııalyq rejıminiń aýytqýy bolyp, sonyń saldarynan álsiz azot qyshqylyn óndirý tsehynda, aýaǵa azotty gazben qysqa merzimdi tútin shyqqan.
— Shyǵarylǵannan keıin birden tehnıkalyq personal zardaptardan aýytqý sebepterin joıý jumystaryn júrgizdi. Negizgi sebep — óndiristik jabdyqtyń joǵary temperatýrada jumys isteýi. Buǵan qorshaǵan orta men teńiz sýynyń joǵary temperatýrasy tikeleı áser etedi, bul kezde óndiristegi sý aınalymy salqyndatylýy kerek. Aýa raıy ysyǵaly tehnologııalyq personal kúsheıtilgen rejımde jumys istep jatyr. Osy zardaptardyń sebepteri bolyp tabylatyn osyndaı aýytqýlardy boldyrmaý úshin, barlyq aldyn alý sharalaryn qabyldaıdy. Óńirlik qadaǵalaý organdaryna aýytqýshylyq týraly dereý habarlandy, - deıdi bas tehnolog Erlan Kýdashev.
Kásiporyn ókiliniń aıtýynsha, qysqa merzimdi tútin turǵyndardyń densaýlyǵyna qaýip tóndirmeıdi.
Osy oqıǵaǵa oraı, Mańǵystaý oblystyq ekologııa departamentine suraý salǵan bolatynbyz.
Departament basshysy Armat Júsipqalıev kásiporynǵa tekserý ashylatynyn jetkizdi.
— KazAzot mekemesinen bizge habarlama keldi. Aıtýlarynsha oqıǵa búgin tańda bolǵan. Qondyrǵylardyń birin iske qosý jumystary kezinde tehnologııalyq rejımniń aýytqýynan, aýaǵa nıtrozdy gaz bólinipti. Bizdiń tarapymyzdan tekserý júrgizý úshin, quzyrly organnan ruqsat alyp jatyrmyz. Tekserý nátıjesin jarııalaıtyn bolamyz, - deıdi departament basshysy.