Aqtaýda Kaspıı jaǵalaýyndaǵy birneshe ınvestjoba bitpegen kúıi qalyp qoıdy

<p>AQTAÝ. KAZINFORM — Týrıstik nysandardyń turalap qalýyna ınfraqurylymnyń daıyn bolmaýy sebep. Jaǵalaýda sý, elektr energııasy, gaz jáne jol máselesi áli kúnge tolyq sheshilmegen. Sondyqtan jergilikti atqaminerler teńiz jaǵasyn damytýdyń jumys josparyn jasaýǵa kirisken.</p>

 

Foto: Aıagóz Іzbasarova/Kazinform

Bul týraly Mańǵystaý oblysy ákiminiń orynbasary Abbat Órisbaev málimdedi.

Onyń aıtýynsha, Aqtaý qalasynyń bas josparyna ózgerister engizilip, jaǵalaýdy damytýda sheteldik tájirıbe qoldanylady.

Foto: Aıagóz Іzbasarova/Kazinform

— Jospardyń ýaqytynda iske aspaýyna ınfraqurylymnyń daıyn emestigi sebep boldy. Sondyqtan eń aldymen jedel túrde ınfraqurylym máselesin sheshýge jumystanyp jatyrmyz. Buǵan deıin bastalǵan jumystardy taǵy da jandandyryp, odan ári kúsheıtip, qarjysyn ulǵaıtyp, úlken jospar quryp jatyrmyz, — deıdi Abbat Órisbaev. 

Aıta keteıik, Prezıdent Úkimetke Mańǵystaý oblysynyń ákimdigimen birge Kaspıı jaǵalaýyndaǵy týrızm ınfraqurylymynyń sapasyn arttyrýdy, Dýbaı men Baký qalalarynyń tájirıbesin eskere otyryp, Aqtaý qalasynyń bas josparyn qaıta qaraýdy tapsyrǵan bolatyn.

Foto: Aıagóz Іzbasarova/Kazinform

Sondaı-aq, Memleket basshysy «Jyly jaǵajaı» aýmaǵyndaǵy jobalardy jyl sońyna deıin aıaqtap, Kendirli demalys aımaǵyn damytý isin jedeldetý qajettigin aıtty.

Buǵan deıin «Kendirli» halyqaralyq kýrorty jobasynyń nege toqtap turǵanyn jazǵan edik.  

Foto: Aıagóz Іzbasarova/Kazinform