Aqtaýda kámeletke tolmaǵan qyzdy zorlamaq bolǵan mektep kúzetshisi qamaýǵa alyndy
Bilim berý uıymynyń kúzetshisi aýlada oınap júrgen kámeletke tolmaǵan qyzdardyń qasyna baryp, bireýin shaqyryp alǵan. Kúdikti qyzdy mekteptiń kireberisindegi kúzetshi otyratyn bólmege kirgizip, tıise bastapty.
«Bul masqara bizdiń mektepte boldy. Kúzetshi — 52-53 jastaǵy adam. Qyz balany kirgizip alyp, zorlamaq bolǵan. Abyroı bolǵanda qyz qashyp shyqty. Dalada oınap júrgen balalarǵa baryp, aldap ishke kirgizgen», — deıdi ata-analardyń biri.
Zardap shekken qyzdyń anasy polıtsııaǵa shaǵym túsirdi.
Atalǵan mektep te oqıǵany rastady. Kúzetshi birden qamaýǵa alynǵan. Sebebi, onyń is-áreketteri beınekameraǵa jazylǵan. Sondyqtan kúzet agenttiginiń ústinen sotqa shaǵym berildi.
Polıtsııa departamentiniń málimetinshe, atalǵan derek boıynsha qylmystyq is qozǵaldy. Kúdikti ýaqytsha ustaý ızolıatoryna qamaldy.