Aqtaýda qala ishinde jaıylyp júrgen jylqylar qamaldy
03:05, 26 Mamyr 2019
AQTAÝ. QazAqparat - Aqtaýda qala ishinde jaıylyp júrgen jylqylar qamaýǵa alyndy, dep habarlaıdy QazAqparat qala ákimdiginiń Facebook-tegi paraqshasyna silteme jasap.
«Aqtaýda qala aýmaǵynda jaıylyp, jasyl jelekterge túsken jylqylar qamaldy. Aqshuqyr turǵyny Isaǵalı Búrkitbaevtyń 21 jylqysy 17-20 shaǵyn aýdannyń aralyǵyndaǵy aýmaǵynda jaıylyp júrgen. Maldy «Qala joldary» JShS-nyń qyzmetkerleri mekemeniń mal qamaıtyn qorasyna aparyp qamady», delingen habarlamada.
Jergilikti polıtsııa qyzmetiniń ınspektory mal ıesine Ákimshilik quqyq buzýshylyq týraly kodekstiń 505-baby boıynsha xattama toltyryp, shara qoldanǵan. Atalmysh bapta «qalalar men eldi mekenderde jasyl ekpelerdi joıý jáne búldirý úshin jeke tulǵaǵa eskertý jasalady nemese 20 aılyq eseptik kórsetkish mólsherinde aıyppul salynady» dep kórsetilgen.