Aqtaýda qala boıynsha 164 lıft istemeı tur

AQTAÝ. QazAqparat - Qala boıynsha 164 lıftini aýystyrý kerek. Sebebi, basym bóligi isten shyqqan jáne eskirgen. Shahar basshysy Ǵalymjan Nııazov apparattyq jıynda osylaı dedi, dep habarlaıdy QazAqparat tilshisi.

Qala boıynsha 2002 jylǵa deıin salynǵan 180-ge jýyq úıde 337 lıft bar. Standartqa sáıkes, bir lıftiniń tasymaldaý merzimi 25 jyldan aspaý kerek. Al, qazir qaladaǵy lıftilerdiń teń jartysynyń istep turǵanyna 50 jyl bolǵan. Sondyqtan, tez arada aýystyrýdy bastaý qajet.  

«Bıylǵy bıýdjetten 309 mıllıon teńge bólip, 36 lıftini aýystyrý josparlanyp otyr. Arnaıy tańdap aldyq. Mysaly, keı úılerde 2 lıftiden bar, onyń bireýi istemeıdi. Sony jóndeımiz ne aýystyramyz. Kóbisi 7-9 qabatty turǵyn úıler», - deıdi qala ákimi Ǵalymjan Nııazov.

Aımaq basshysy 2 jylda osyny birjaqty etýdi tapsyrdy. Bastysy - qaýipsizdik. Sondyqtan, sapaǵa asa mán berý kerek dep tapsyrma berdi ákim. Baǵa da mańyzdy. Osyǵan deıin kartochkamen bir júris quny - 10 teńge edi, 100 júriske myń teńge boldy.  Endi tarıfti túsirip, 1 paıyzǵa tómendetý josparlanyp otyr. Sol úshin  páter ıeleri kooperatıvimen de kelisim júrgizilgen.