Aqtaýda ıtbalyq adamǵa taǵy shabýyldady
09:55, 23 Tamyz 2022
AQTAÝ. QazAqparat - Aqtaýda 25 jastaǵy jigitti ıtbalyq tistep aldy, dep habarlaıdy QazAqparat tilshisi.
Dostarynan qalyp qoıyp, demalys ornynyń jaǵalaýynda jalǵyz shomylyp júrgen jigitke ıtbalyq tap bolǵan. Ol er adamǵa shabýyl jasap, qolyn tistep, arqasyna jáne ıyǵyna syzat túsirgen.
«Jigit shaǵymmen óz betinshe júgindi. Ol ambýlatorlyq emge joldanyp, úıine jiberildi», - dedi Mańǵystaý oblystyq aýrýhanasynyń baspasóz qyzmetinen.
Aıta keteıik, buǵan deıin ıtbalyq qalanyń 14-shaǵynaýdanynda sýǵa túsip júrgen eki qyzǵa shabýyl jasaǵan edi. Olarǵa oblystyq balalar aýrýhanasynda medıtsınalyq kómek kórsetilip, qutyrmaǵa qarsy ekpe salyndy.
Foto: lada.kz