Aqtaýda gaz qymbattady

AQTAÝ. QazAqparat - Aqtaýda suıyltylǵan gaz baǵasy qymbattady. Búgin tańerteńnen beri keıbir gaz toltyrý stantsııalarynda suıyq otyn ádettegi 31 teńgeniń ornyna 40 teńgeden satylyp jatyr. Oblystyq ákimdikte ótken brıfıngte suıyltylǵan gaz baǵasynyń kúrt ósý máselesine qatysty túsinikteme berildi, dep habarlaıdy «QazAqparat» HAA tilshisi.

«Energetıka mınıstrligi respýblıka boıynsha suıytylǵan gazǵa jańa baǵa taǵaıyndady. Keshegi kúnge deıin munaı gazynyń tonnasy qosymsha qun salyǵyn qosa eseptemegende 28 myń teńge bolsa, búginnen bastap gaz 34 myń 319 teńgeni quraıdy. Buǵan deıin lıtri qosymsha qun salyǵyn qospaǵanda 17,5 teńge edi. Turǵyndar osy baǵamen satyp alyp júrdi. Qazir bir lıtr QQS qospaǵanda 18 teńge, QQS-ymen 21,5 teńge», - dedi Mańǵystaý oblysy kásipkerlik jáne saýda basqarmasynyń basshysy Venera Mýstapaeva.

«Suıyltylǵan gaz baǵasy áleýmettik mańyzy bar taýarlardyń biri, gaz baǵasy baqylaýǵa alynady jáne bizdiń tarapymyzdan jasalatyn áreketter men sharalar týraly qosymsha habarlaıtyn bolamyz», - dedi Mańǵystaý oblysy tabıǵı monopolııalardy retteý jáne básekelestikti qorǵaý departamenti basshysynyń orynbasary Baqyt Bekmuratov.