Aqtaýda erekshe sportshylar marapattaldy

<p>Aqtaýda paralımpıadashylardy marapattaýǵa arnalǵan saltanatty is-shara ótti, dep habarlaıdy <a href="Kazinform" target="_blank" rel="noopener">Kazinform.</a></p>

Ártúrli jarystarǵa, sonyń ishinde paralımpıada men Azııa oıyndaryna qatysyp, aldaǵy Parıj paralımpıadasyna joldama alǵan sportshylar qurmetke ıe boldy. 

— Qurmetti sportshylar, sizderdiń jeńisterińiz — batyldyq pen sheksiz adamı múmkindikterdiń kórinisi. Sizderdiń jetistikterińiz — turaqty eńbektiń, erik-jigerdiń jáne ómirlik qıyndyqtardy taısalmaı jeńe bilýdiń nátıjesi. Memleket osy mańyzdy salaǵa jan-jaqty qoldaý kórsetip otyrǵanyn atap ótkim keledi. Sportty damytýǵa qosqan úlesińiz úshin alǵys bildiremin. Sondaı-aq sizderdi álemdik Olımpıadaǵa qatysý múmkindigimen shyn júrekten quttyqtaımyn. Jańa bıikterge jetetinińizge senimdimin, - dedi oblys ákimi Nurlan Noǵaev.

Aıta ketsek, Mańǵystaýda múmkindigi shekteýli jandarǵa arnalǵan sport klýby 1991 jyldan beri belsendi jumys isteıdi jáne qazirgi ýaqytta 500-den astam sportshyǵa 20 sport túrin usynady. 

Mańǵystaý voleıbol komandalary QR-da jáne shetelde ótken túrli jarystarda aıtarlyqtaı jetistikterge jetip, joǵary deńgeıdegi kásibıligin kórsetip, túrli sport túrlerinde keremet nátıjeler kórsetti.