Aqtaýda egeýquıryqtardy joıý jumystary bastalady

<p>Aqtaýda egeýquıryqtardyń kóbeıýine baılanysty olardy joıý jumystary&nbsp; 10 qazannan bastap júrgiziledi. Bul týraly Aqtaý qalasy ákimdiginiń baspasóz qyzmetinen málim etti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.&nbsp;</p>

6 qazanda «Deratızatsııalyq qyzmet kórsetý (egeýquıryqtardy joıý)» boıynsha «Medık-Gıgıenıst» óndiristik kooperatıvimen kelisimshart jasaqtalǵan. 10 qazannan bastap qala aýmaǵynda deratızatsııa jumystary júrgiziledi.

«Deratızatsııa «Samal» qonaq úıinen bastap Ómirzaq aýyly, Teńiz porty, Tazartý qondyrǵysy aýmaǵy, «Prımorskıı» massıvi jáne 16, 17 shaǵyn aýdandarda júrgiziledi», - delingen baspasóz málimetinde.

Aqtaý qalasy ákimdigi turǵyndardy atalǵan aýmaqtarda saqtyq sharalaryn qatań saqtaýǵa shaqyrady.

Al sanıtarııalyq-epıdemıologııalyq baqylaý basqarmasynyń basshylyǵy egeýquıryqtardyń adamǵa zııany joq dep oılamaý keregin aıtady.

«Kemirgishter asa qaýipti juqpaly ınfektsııalyq aýrýlardy taratýshy bolyp tabylady. Olardyń qatarynda týlıaremııa, salmonellez, oba, qutyrma jáne taǵy basqalary bar. Egeýquıryqtardyń adamǵa zııany joq dep qatelespeý kerek, eń qaýiptisi kemirgishter ash bolsa adamǵa shabýyl jasaıtyny bar. Sondyqtan da saqtyq sharalaryna kóbirek kóńil bólip, abaı bolǵan jón», - deıdi Aqtaý qalalyq sanıtarııalyq-epıdemıologııalyq basqarmasynyń basshysy Asıma Jarylǵasova.