Aqtaýda dzıýdodan Azııa kýbogy ótedi

<p><strong>ASTANA. KAZINFORM &ndash; 12-13 qazan kúnderi Aqtaýda dzıýdodan áıelder men erler arasyndaǵy Azııanyń ashyq kýbogy ótedi. Bul týraly UOK-niń baspasóz qyzmeti habarlady.&nbsp;</strong></p>

Atalǵan týrnır Halyqaralyq dzıýdo federatsııasynyń sport kestesine engen. Turar Joldybaevty eske alýǵa arnalǵan balýandar básekesine Ázerbaıjan, Gonkong, Úndistan, Iran, Qyrǵyzstan, Mońǵolııa, Tájikstan, Ózbekstan jáne Qazaqstannan 200-ge jýyq sportshy qatysady. 

Halyqaralyq dzıýdo federatsııasynyń erejeleri boıynsha reıtıngtik sanalatyn týrnırdiń jeńimpazdary men júldegerleri birinshi oryn úshin 100 upaı, ekinshige 70 upaı, al úshinshi orynǵa 50 upaı alady.

Tómende jarystar kestesi usynylǵan:

12 qazan

Erler: -60 kg, -66 kg, -73 kg

Áıelder: -48 kg, -52 kg, -57 kg, -63 kg

10:00 – jarystardyń bastalýy

16:30 – resmı ashylý rásimi

17:00 – fınaldar

13 qazan

Erler: -81 kg, -90 kg, -100 kg, +100 kg

Áıelder: -70 kg, -78 kg, +78 kg

10:00 – jekpe-jekterdiń bastalýy

17:00 – fınal jekpe-jekteri