Aqtaýda bir mezette 120 oqýshy kúı tartty

<p>Aqtaý qalasyndaǵy Nazarbaev Zııatkerlik mektebiniń oqýshylary Táýelsizdik merekesi qarsańynda Qabıbolla Sydıyqov atyndaǵy oblystyq kitaphanada &laquo;Uly dala muragerleri&raquo; dombyrashylar sherýin ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Uly dala muragerleri» dombyrashylar sherýi mektepte jyl saıyn ótkizilip keledi. Іs-sharanyń basty maqsaty – Táýelsizdik merekesin ulyqtaýmen qatar, mektep oqýshylaryna ulttyq dástúrdi nasıhattaý.

Merekelik is-sharaǵa «Qos perne» dombyrashylar ansamblinen quralǵan 120 kúıshi qatysqan. Olar halyq kúılerinen poppýrı, «Torjorǵa», «Erke sylqym» sekildi kúılerdi bir ýaqytta oryndaǵan. 

Foto: Óńirlik kommýnıkatsııa ortalyǵy

«Halqymyzdyń mádenıeti men mýzykasyn dáripteý, óskeleń urpaqty ulttyq qundylyqty ulyqtaýǵa tárbıeleýde bul is-sharanyń mańyzy zor ekenin aıtqym keledi. Nazarbaev Zııatkerlik mektepteriniń qosymsha bilim berýdi damytýdyń 2030 jylǵa deıingi kontseptsııasy negizinde 7-synyptar úshin dombyra sabaǵy mindetti túrde ótkiziledi», - dedi mektep dırektory Rınat Nurlanuly.